ដោយ គី សុខលីម
05/07/2009
គណប្រតិភូដឹកនាំដោយលោកសុខ អានទើបទាមទារបានការចុះបញ្ជីព្រះវិហារក្នុងបញ្ជីរបេតិកភណ្ឌពិភពលោក(រូបថត៖បណ្ណសារ)
លោកសុខ អានរដ្ឋមន្រ្តីនៃទីស្តីការគណៈរដ្ឋមន្ត្រីបានបញ្ជាក់នៅព្រឹក ថៃ្ងអាទិត្យនេះក្រោយពីត្រលប់មកពីកិច្ចប្រជុំនៅប្រទេសអេស៉្បាញ វិញថា៖គណៈកម្មាធិការបេតិកភណ្ឌពិភពលោកនៃអង្គការUnesco មិនអើពើនឹងសំណើរបស់ប្រទេសថៃទេ។ បើយោងតាមសម្តីរបស់លោកសុខ អានកិច្ចប្រជុំនៅប្រទេសអេស្បាញគឺជាការបញ្ជាក់ជាថ្មីម្តងទៀតថា ប្រាសាទព្រះវិហារជារបស់ខ្មែរនិងជាបេតិកភណ្ឌពិភពលោក។ក្រោយពីត្រលប់មកពីកិច្ចប្រជុំនៅប្រទេសអេស៉្បាញវិញ លោកសុខ អានរដ្ឋមន្រ្តីនៃទីស្តីការគណៈរដ្ឋមន្ត្រីបានបញ្ជាក់នៅព្រឹកថ្ងៃ អាទិត្យនេះថាគណៈកម្មាធិការបេតិកភណ្ឌពិភពលោកនៃអង្គការUnescoមិន អើពើនឹងសំណើរបស់ប្រទេសថៃទេ។
ថ្លែងទៅកាន់អ្នកសារព័ត៌មាននៅឯ ព្រលានយន្តហោះអន្តរជាតិភ្នំពេញលោកសុខ អានបានបញ្ជាក់ថាភាគីថៃបានព្យាយាមស្នើសុំអោយអង្គការ Unesco ពិនិត្យ និងសើរើការចុះបញ្ជីប្រាសាទព្រះវិហារទៅជាបេតិកភណ្ឌពិភពលោកក្នុង អំឡុងកិច្ចប្រជុំលើកទី៣៣របស់អង្គការ Unescoនៅក្នុងប្រទេសអេស៉្បាញកាលពីចុងខែមិថុនាកន្លងមកនេះ។ ប៉ុន្តែការប៉ុនប៉ងរបស់គណៈប្រតិភូថៃមិនទទួលបានជ័យជំនះនោះទេ។
លោក រដ្ឋមន្រ្តីទីស្តីការគណៈរដ្ឋមន្រ្តីបាននិយាយថាកិច្ចប្រជុំរបស់ អង្គការ Unescoនៅទីក្រុងSevillleនៃប្រទេសអេស៉្បាញបានបញ្ជាក់ជាថ្មីម្តង ទៀតថាប្រាសាទព្រះវិហារជារបស់ខ្មែរ ហើយប្រាសាទនេះជាបេតិកភណ្ឌពិភពលោក។ លោកបានសង្កត់បន្ថែមទៀតថាការដាក់បញ្ចូលប្រាសាទព្រះវិហារក្នុង បញ្ជីបេតិកភណ្ឌពិភពលោកគឺជាសំណើរបស់ប្រទេសកម្ពុជា។ មន្រ្តីជាន់ខ្ពស់នៃប្រទេសខ្មែរជាច្រើននាក់បានអះអាងបញ្ជាក់ថា គ្មានហេតុផលណាមួយដែលត្រូវសើរើឡើងវិញឬចុះបញ្ជីរួមគ្នាឬ គ្រប់គ្រងរួមគ្នា ឬដកប្រាសាទព្រះវិហារចេញពីបញ្ជីបេតិកភណ្ឌពិភពលោកដូចដែលថៃបានលើក ឡើងនោះទេ។
ទាក់ទងទៅនឹងគម្រោងការអភិរក្សប្រាសាទព្រះវិហារលោក សុខអានបានបញ្ជាក់ថា៖ភាគីកម្ពុជាបានបំពេញកាត្វកិច្ចមួយចំនួនដែល ស្នើសុំដោយអង្គការUnescoហើយ។ប៉ុន្តែប្រទេសកម្ពុជាត្រូវបន្តធ្វើ ការងារមួយចំនួនទៀត។ លោកសុខ អានបានបន្តទៀតថាគណៈកម្មាធិការបេតិកភណ្ឌពិភពលោកតម្រូវអោយកម្ពុជា ដាក់របាយការណ៍បំពេញមន្ថែមអោយបានមុនថ្ងៃទី១ខែកុម្ភៈឆ្នាំ២០១០ ខាងមុខនេះ។
សូមបញ្ជាក់ថានៅថ្ងៃអង្គារខាងមុខនេះប្រទេស កម្ពុជានឹងប្រារព្ធពិធីអបអរសាទរនៃថ្ងៃចុះបញ្ជីជាផ្លូវការនៃ ប្រាសាទព្រះវិហារខ្មែរជាបេតិកភណ្ឌពិភពលោក។ នៅថ្ងៃនោះសាលារៀននៅទូទាំងប្រទេសកម្ពុជានឹងវាយជួងបន្លឺឡើង។ រីឯនៅតាមវត្តអារាមនានានឹងមានការទូងស្គរ៕
free programes
Read more!
0 comments:
Post a Comment