ដោយ ម៉ាយ៉ារិទ្ធិ
រដ្ឋាភិបាលថៃបានសម្តែងភាពមិនសប្បាយចិត្តចំពោះមន្ត្រីអង្គការ យូណេស្កូដែលបានធ្វើដំណើរចេញចូលប្រាសាទព្រះវិហារមិនបានស្នើឆ្លង រកការអនុញ្ញាតពីអាជ្ញាធរក្រុងបាងកក។
រដ្ឋាភិបាលថៃបានសម្តែងភាពមិនសប្បាយចិត្តចំពោះមន្ត្រីអង្គការ យូណេស្កូដែលបានធ្វើដំណើរចេញចូលប្រាសាទព្រះវិហារមិនបានស្នើឆ្លង រកការអនុញ្ញាតពីអាជ្ញាធរក្រុងបាងកក។
ទង់យូណេស្កូ (ឆ្វេង) ទង់បេតិកភណ្ឌពិភពលោក (កណ្ដាល) និងទង់ជាតិប្រទេសកម្ពុជា (ស្ដាំ) បក់រវិចក្នុងអំឡុងពេលពិធីដំឡើងជាផ្លូវការ នៅឯប្រាសាទព្រះវិហារ ក្នុងខែត្រព្រះវិហារ នាថ្ងៃ៧ វិច្ឆិកា ២០០៨។
ប្រាសាទព្រះវិហារត្រូវអង្គការយូណេស្កូទទួលដាក់ជាសម្បត្តិបេតិកភណ្ឌ ពិភពលោកតាំងពីខែកក្កដា ឆ្នាំ២០០៨។ ដោយសារតែបញ្ហានោះហើយទើបមន្ត្រីនៃអង្គការនេះតែងធ្វើដំណើរចេញ ចូលពិនិត្យប្រាសាទព្រះវិហារខ្មែរដែលថៃកំពុងតែអះអាងថាជា កម្មសិទ្ធិរបស់ខ្លួនដែរនោះ។
ប្រាសាទព្រះវិហារត្រូវអង្គការយូណេស្កូទទួលដាក់ជាសម្បត្តិ បេតិកភណ្ឌពិភពលោកតាំងពីខែកក្កដា ឆ្នាំ២០០៨។ ដោយសារតែបញ្ហានោះហើយទើបមន្ត្រីនៃអង្គការនេះតែងធ្វើដំណើរចេញ ចូលពិនិត្យប្រាសាទព្រះវិហារខ្មែរដែលថៃកំពុងតែអះអាងថាជា កម្មសិទ្ធិរបស់ខ្លួនដែរនោះ។
មន្ត្រីរដ្ឋាភិបាលថៃបានព្រមានម្ដងទៀតចំពោះអង្គការយូណេស្កូដែល តែងតែធ្វើដំណើរចេញចូលប្រាសាទព្រះវិហារហើយទាក់ទងត្រឹមតែអាជ្ញាធរ ខ្មែរ។
សេចក្ដីព្រមាននេះបានធ្វើឡើងកាលពីម្សិលមិញតាមរយៈរដ្ឋមន្ត្រី ក្រសួងការបរទេសថៃ លោក កាស៊ិតភីរុម ៖ "រដ្ឋាភិបាលថៃបានជូនដំណឹងតាមការនិយាយផ្ទាល់មាត់ម្ដងរួចទៅហើយ អំពីភាពខ្វល់ខ្វាយរបស់ថៃដែលថា អង្គការយូណេស្កូបញ្ជូនមន្ត្រីរបស់គេចូលទៅក្នុងតំបន់ប្រាសាទ ព្រះវិហារ។ យើងនឹងបញ្ជូនលិខិតរបស់យើងទៅឲ្យអង្គការយូណេស្កូនៅពេលខាងមុខ បន្តិចទៀតនេះ។ យើងបានប្រាប់ទៅអង្គការយូណេស្កូហើយថា យើងត្រូវការដំណើរការមួយដែលមានតម្លាភាពក្នុងពេលដែលពួកគេធ្វើ កិច្ចការនេះ ដោយសារតែថៃជាប្រទេសសមាជិកមួយរបស់យូណេស្កូ ហើយយូណេស្កូក៏មានការិយាល័យនៅក្នុងប្រទេសថៃនេះផងដែរ។ ប្រសិនបើយូណេស្កូចង់ធ្វើដំណើរចូលទៅក្នុងតំបន់ព្រះវិហារនោះ គេត្រូវតែគោរពអធិបតេយ្យភាពជាតិថៃផងដែរ ហើយត្រូវតែឲ្យថៃដឹងថាតើពួកគេមានគម្រោងធ្វើអ្វីខ្លះនៅក្នុង តំបន់ប្រាសាទព្រះវិហារនោះ"។
លោករដ្ឋមន្ត្រីក្រសួងការបរទេសថៃបានថ្លែងថា គេនឹងជូនដំណឹងអំពីបញ្ហានេះទៅកាន់គ្រប់ការិយាល័យយូណេស្កូទាំងនៅ ភ្នំពេញ នៅប៉ារីស ប្រទេសបារាំង និងនៅក្នុងក្រុងបាងកកនោះផងដែរ។
ប្រសាសន៍ព្រមានរបស់រដ្ឋមន្ត្រីក្រសួងការបរទេសថៃនៅមិនទាន់មាន ប្រតិកម្មពីការិយាល័យកណ្ដាលនៃអង្គការយូណេស្កូនោះនៅឡើយទេ ប៉ុន្តែអគ្គលេខាធិការគណៈកម្មាធិការជាតិយូណេស្កូរបស់កម្ពុជា លោកស្រី តាន់ ធានី បានមានប្រសាសន៍ឆ្លើយតបមកវិញយ៉ាងនេះថា ៖ «រឿងនេះបើ គេនិយាយថា មន្ត្រីរបស់យូណេស្កូទុកឲ្យយូណេស្កូអង្គការសហប្រជាជាតិមាន ប្រតិកម្ម។ ប៉ុន្តែខ្ញុំដឹងហើយគេមានប្រតិកម្មរួចហើយ គេថាគេអត់មានទៅចូលប្រទេសថៃធ្វើអីទេ គេអត់មានត្រូវការ គេចូលតែព្រះវិហាររបស់កម្ពុជា គេធ្វើការតែជាមួយកម្ពុជា។ ដូច្នេះគេអត់មានពាក់ព័ន្ធអីជាមួយនឹងថៃ ព្រោះខ្ញុំទើបតែមកពីប៉ារីស ខ្ញុំបានស្ទង់ស្ទាបសួរបញ្ហាហ្នឹងដែរ។ សរសេរសំបុត្រទៅ ...ឲ្យគេជូនដំណឹង គេថាគេនឹងជូនដំណឹងនៅក្នុងក្របខ័ណ្ឌនៃសមត្ថកិច្ចរបស់គេ អាហ្នឹងខ្ញុំបានដឹង»។
ប្រសាសន៍ព្រមានរបស់រដ្ឋមន្ត្រីក្រសួងការបរទេសថៃគឺនៅក្រោយដែល មានក្រុមមន្ត្រីអង្គការយូណេស្កូជាបន្តបន្ទាប់បានធ្វើដំណើរចេញ ចូលទៅក្នុងតំបន់បរិវេណប្រាសាទព្រះវិហារ ក្រោយពេលដែលប្រាសាទព្រះវិហារនេះត្រូវបានដាក់បញ្ចូលជាសម្បត្តិ បេតិកភណ្ឌពិភពលោក កាលពីថ្ងៃទី៧ កក្កដា ឆ្នាំ២០០៨កន្លងមក ហើយចាប់តាំងពីមានការដាក់បញ្ចូលនោះមកប្រទេសថៃក៏ចាប់ផ្ដើមបង្ក ហេតុជាមួយនឹងកម្ពុជាដោយការបញ្ជូនទ័ពទៅប្រឈមមុខនឹងទាហានខ្មែរនៅ តំបន់នោះ ពីព្រោះតែរដ្ឋាភិបាលក្រុងបាងកកបានអះអាងថា ប្រាសាទព្រះវិហារនោះក៏ជាសម្បត្តិរបស់ថៃផងដែរ។
ចាប់តាំងពីពេលនោះមកដែរទាហានខ្មែរនិងទាហានថៃបានប៉ះប្រយុទ្ធ គ្នាចំនួនបីដងមកហើយនៅក្នុងតំបន់ក្បែរប្រាសាទព្រះវិហារនោះ៕
free programes
0 comments:
Post a Comment