ដោយ នេត្រ ភក្ត្រា 24/05/2009
មន្រ្តីក្រុមតំណាងរាស្រ្តគណបក្សប្រឆាំងបានអំពាវនាវដល់រដ្ឋាភិបាល យោធាភូមាឲ្យដោះលែងលោកស្រីអ៊ុងសាន ស៊ូជីខណៈដែលកាលកំណត់នៃការដោះលែងលោកស្រីចេញពីការឃុំខ្លួន ក្នុងផ្ទះនឹងត្រូវដល់ពេលកំណត់នៅថ្ងៃទី២៧ខែឧសភាខាងមុខនេះ។ បើតាមលោកសុនឆៃក្រុមការងារអាស៊ានទទួលបន្ទុកសំណុំរឿងភូមាបាន ត្រៀមរៀបចំ និងផ្ញើលិខិតទៅកិច្ចប្រជុំថ្នាក់រដ្ឋមន្រ្តីអ៊ឺរ៉ុប និងអាស៊ានដែលប្រព្រឹត្តទៅនៅក្នុងប្រទេសកម្ពុជានៅសបា្តហ៍ក្រោយ។
លោកសុន ឆ័យ តំណាងរាស្ត្រគណបក្សប្រឆាំង
(រូបថត ៖ ខឹម សុវណ្ណារ៉ា)
(រូបថត ៖ ខឹម សុវណ្ណារ៉ា)
លោកសុន ឆៃប្រធានក្រុមតំណាងរាស្រ្តចំនួន២៩រូបមកពីគណបក្សសម រង្ស៉ី និងគណបក្សសិទ្ធិមនុស្សបានថ្លែងឲ្យដឹងនៅថ្ងៃអាទិត្យនេះថាក្រុម តំណាងរាស្រ្តគ្រោងនឹងផ្ញើលិខិតមួយច្បាប់ទៅកាន់ក្រុមតំណាងប្រទេស អឺរ៉ុបអាស៊ានដែលនឹងជួបប្រជុំគ្នាក្នុងប្រទេសកម្ពុជានៅថ្ងៃទី២៧ និងទី២៨ខែឧសភាសបា្តហ៍ក្រោយនេះ។
លិខិតដែលត្រូវបានលោកសុន ឆៃតំណាងរាស្រ្តគណបក្សសម រង្ស៉ីថ្លែងថាដើម្បីអំពាវនាវដល់ក្រុមតំណាងប្រទេសទាំងនេះជំរុញ រដ្ឋាភិបាលភូមាឲ្យដោះលែងមេដឹកនាំគណបក្សប្រឆាំងលោកស្រីអ៊ុងសាន សូជីឲ្យមានសេរីភាពឡើងវិញ និងស្នើសុំឲ្យមានកិច្ចប្រជុំធំមួយបំណងដើម្បីប្រមូលប្រទេស ពាក់ព័ន្ធទាំងឡាយរកវិធីដោះស្រាយចំពោះវិបត្តិនយោបាយនៅប្រទេសភូមា។
កិច្ចប្រជុំដែលលោកសុន ឆៃថ្លែងឲ្យដឹងថាគួរតែរៀបចំនៅក្នុងប្រទេសកម្ពុជាពីព្រោះកម្ពុជា ធ្លាប់មានជម្លោះនឹងគ្នាហើយបច្ចុប្បន្នបានទទួលនូវសន្តិភាពហើយលោក នាយករដ្ឋមន្រ្តីហ៊ុន សែនគឺសាកសមក្នុងការផ្តួចផ្តើមគំនិតនេះ។ ជាមួយគ្នានេះដែរលោកសុន ឆៃបានថ្លែងថាក្នុងនាមជាសមាជិកអន្តរសភាអាស៊ានលោកនឹងចូលរួម ក្នុងការប្រជុំធំមួយនៅទីក្រុងបាងកកដែលនឹងធ្វើនៅថ្ងៃទី២៦ខែ ឧសភាខាងមុខនេះគឺមួយថ្ងៃមុនពេលដែលរយៈពេលនៃការឃុំខ្លួនក្នុង ផ្ទះរបស់លោកស្រីអ៊ុងសាន ស៊ូជីផុតកំណត់។ ប៉ុន្តែទោះបីយ៉ាងណាលោកស្រីអ៊ុងសាន ស៊ូជីកំពុងប្រឈមមុខទៅនឹងការដាក់ទោសជាថ្មីទៀតពីបទរំលោភលើ ច្បាប់ឃុំឃាំងក្នុងផ្ទះ។
គួរបញ្ជាក់ថាក្នុងរយៈពេលប៉ុន្មាន សបា្តហ៍ចុងក្រោយនេះពិភពលោកបានថ្កោលទោស និងស្នើឲ្យរដ្ឋាភិបាលភូមាដោះលែងលោកស្រីអ៊ុងសាន ស៊ូជីរួមនឹងអ្នកទោសនយោបាយជាច្រើនទៀតឲ្យមានសេរីភាពឡើងវិញ។
ដោយ ឡែកលោកសុន ឆៃក៏បានថ្លែងឲ្យដឹងថាលោកបានទទួលនូវការឆ្លើយតបជាវិជ្ជមានពី សំណាក់រដ្ឋាភិបាលកម្ពុជាអំពីបញ្ហាលោកស្រីអ៊ុងសាន ស៊ូជី។ ចំណុចវិជ្ជមានដែលលោកសុន ឆៃបានអះអាងថាក្រសួងការបរទេសកម្ពុជាបានអះអាងថារដ្ឋាភិបាលកម្ពុជា មានជំហរដូចការថ្លែងរបស់លោកនាយករដ្ឋមន្រ្តីថៃអាហ្វឺស៊ីព វាចាជីវាក្នុងនាមជាប្រមុខប្រទេសអាស៊ានដោយបានសម្តែងនូវក្តី ព្រួយបារម្ភចំពោះស្ថានភាពនយោបាយនៅក្នុងប្រទេសភូមាបច្ចុប្បន្នជា ពិសេសទាក់ទងនឹងលោកស្រីអ៊ុងសាន ស៊ូជី។
free programes
Read more!
0 comments:
Post a Comment